Թեհրանը պատրաստ է ցանկացած պահի վերականգնել դիվանագիտական հարաբերությունները Ռիյադի հետ, հունվարի 6-ին հայտարարել է Իրանի արտգործնախարար Հոսեյն Ամիր Աբդոլլահիանը կատարական Aljazeera-ին տված հարցազրույցում։
Աբդոլլահիանը նաև ընդգծել է, որ Իրանը Սաուդյան Արաբիայի հետ վարում է կառուցողական և դրական երկխոսություն։
«Օրերի ընթացում Իսլամական համագործակցություն կազմակերպության մեր ներկայացուցիչները կվերադառնան Ջիդդա, իսկ դա դրական քայլ է»,- շեշտել է իրանցի դիվանագետը։
Նշենք նաև, որ 2016 թվականից ի վեր երկկողմ լարվածության հաղթահարման համար Սաուդյան Արաբիայի և Իրանի միջև բանակցությունների չորս փուլեր են կայացել Իրաքի միջնորդությամբ։ Վերջին երկու փուլերը կայացել են ընթացիկ տարվա սեպտեմբերին Բաղդադում Սաուդյան Արաբիայի պետքարտուղար Ադել Ալ-Ջուբեյրի և Իրանի ազգային անվտանգության բարձրագույն խորհրդի քարտուղար Ալի Շամխանիի միջև Իրաքի վարչապետ Մուստաֆա Կազեմիի միջնորդությամբ։ Իսկ դեկտեմբերի 27-ին Աբդոլլահիանը հայտարարել էր, որ Արաբիայի հետ բանակցությունների հինգերորդ փուլի մեկնարկի համար պատրաստական աշխատանքներ են տարվում։
Հետևեք մեզ տելեգրամում
