Հունվարի 25-ին ԱՄՆ Պենտագոնը հայտարարել Է, որ Պետդեպարտամենտը հավանություն Է տվել Եգիպտոսին 2,5 միլիարդ դոլար գումարի զենք վաճառելու գործարքը:
Պենտագոնը ավելացրել է, որ 2,2 միլիարդ դոլարի C-130J-30 Super Hercules 12 ինքնաթիռների վաճառքը ներառելու է նաև օժանդակ սարքավորումներ, պահեստամասեր և տեխնիկական աջակցություն:
«Առաջարկվող վաճառքը կաջակցի Միացյալ Նահանգների արտաքին քաղաքականությանը և ազգային անվտանգությանը՝ օգնելով բարձրացնել ՆԱՏՕ-ի կազմում չմտնող խոշոր դաշնակցի անվտանգությունը, որը շարունակում Է կարևոր ռազմավարական գործընկեր մնալ Մերձավոր Արեւելքում»,-ասվում Է գործակալության մամուլի տեղեկագրում, հաղորդել Է «Ինտերֆաքս»-ը:
Եգիպտոսի կառավարությունը նաև ձգտում է ձեռք բերել երեք SBS-48 ցամաքային ռադարներ, պահեստամասեր, գեներատորներ և հարակից սարքավորումներ:
Մինչդեռ Պենտագոնը նշել է, որ «L3Harris Technologies»-ն է հանդիսանում ռադարների հիմնական կապալառուն, որը կարող է արժենալ մինչև 355 միլիոն դոլար։
Հետևեք մեզ տելեգրամում
