Ռեջեփ Թայիփ Էրդողանը հրավիրել է Վլադիմիր Պուտինին այցելել Թուրքիա։ Այս մասին նա հայտարարել է NTV հեռուստաալիքի եթերում։
«Մենք հրավիրել ենք պարոն Պուտինին մեր երկիր։ Մենք ցանկանում ենք որոշակի քայլեր ձեռնարկել մեր երկկողմ հանդիպումը կազմակերպելու համար»,- ասել է Էրդողանը:
Ինչպես հայտնում է ՏԱՍՍ-ը՝ Էրդողանն ասել է, որ կցանկանար Ռուսաստանի նախագահի հետ քննարկել երկկողմ հարաբերությունները։
Նա կրկին հայտնել է Անկարայի պատրաստակամության մասին «երկու կողմերի ցանկության դեպքում» հյուրընկալել Ռուսաստանի և Ուկրաինայի նախագահներ Վլադիմիր Պուտինին և Վլադիմիր Զելենսկիին, որպեսզի նրանք «շարունակեն վերականգնել խաղաղության մթնոլորտը»։
Հունվարի 24-ին Ռուսաստանի նախագահի խոսնակ Դմիտրի Պեսկովը հայտարարել էր, որ Կրեմլը կոնկրետ տեղեկություն չունի Պուտինի և Էրդողանի հանդիպման հնարավորության մասին։
Հետևեք մեզ տելեգրամում
