Իրաքի մայրաքաղաք Բաղդադում Սադր շարժման առաջնորդ Մողթադա Սադրի կոչով բազմամարդ ցուց է սկսել՝ ամերիկյան զինուժը երկրից հեռացնելու պահանջով։ Ցույցերը կազմակերպվել են Բաղդադի կենտրոնական Ջադիրիե շրջանում՝ շուրջ մեկ միլիոն քաղաքացու մասնակցությամբ։
Ցուցարարները կրել են Իրաքի դրոշը և վանակարկել հակաամերիկյան կարգախոսները։ Ցույցերի պատճառով մայրաքաղաքում անվտանգության խիստ միջոցառումներ են ձեռնարկվել, դեպի կենտրոնական Ջադիրիե թաղամաս տանող ճանապարհները փակվել են երթևեկության համար։
Հիշեցնենք, որ հունվարի 3-ին ԱՄՆ-ի կողմից Բաղդադի օդանավակայանի ռմբակոծության հետևանքով զոհվել էր իրանցի անվանի գեներալ Ղասեմ Սոլեյմանին։ Տարածաշրջանում մեծ լարվածության պատճառ դարձած միջադեպից հետո Իրաքի մեջլիսն անմիջապես որոշում էր կայացրել ամերիկյան զորքերը երկրից հեռացնելու մասին։ Մողդաթա Սադրը առաջարկել էր նաև փակել Իրաքում բոլոր ամերիկյան դեսպանատները։
Հետևեք մեզ տելեգրամում
