Սաուդյան Արաբիայի արտգործնախարարությունը ողջունել է ՄԱԿ-ի Անվտանգության խորհրդի բանաձևի ընդունումը, համաձայն որի՝ հուսիների ռազմական խմբավորումները դասակարգվել են «ահաբեկչական» խմբերի շարքում:
Նախարարությունը հույս է հայտնել, որ այս որոշումը կնպաստի հուսի զինյալների և նրանց աջակիցների գործունեության դադարեցմանը և կչեզոքացնի նրանց առաջացրած վտանգը:
Նշվում է նաև, որ ԱԽ այս բանաձևով դադարեցվելու է հուսիներին հրթիռների, անօդաչու թռչող սարքերի և այլ որակյալ զենքերի ու սպառազինությունների մատակարարումը:
Արաբական Միացյալ Էմիրությունները նույնպես ողջունել է ՄԱԿ-ի ԱԽ այս բանաձևի ընդունումը: Հիշեցնենք, որ հունվարին հութիները անօդաչուների կիրառմամբ հարձակում էր իրականացրել Աբու Դաբիի վրա, որի հետևանքով սպանվել էին 3 խաղաղ բնակիչներ:
Հետևեք մեզ տելեգրամում
