ԵՐԻՏԱՍԱՐԴ ՓՈՐՁԱԳԵՏ

Region Monitor-ը հայտարարում է վերլուծական հոդվածների կանչ՝ յուրահատուկ հնարավորություն ընձեռելով արևելագիտության, քաղաքագիտության, միջազգային հարաբերությունների, կովկասագիտության, լրագրության և հարակից բաժիններում սովորող բոլոր ուսանողներին, որոնք հետաքրքրված են տարածաշրջանային զարգացումների ուսումնասիրությամբ, վերլուծությամբ և փնտրում են հարթակ սեփական մասնագիտական կարծիքը լսելի դարձնելու և փորձառություն ձեռք բերելու համար։

Վերլուծական հոդվածները (ոչ գիտական) պետք է վերաբերեն Հարավային Կովկասի և Մերձավոր Արևելքի երկրների արտաքին և ներքին քաղաքական, ռազմական, սոցիալ-տնտեսական, մշակութային և ժողովրդագրական արդի խնդիրների քննությանը, տարածաշրջանային հակամարտությունների, աշխարհաքաղաքական գործընթացների ուսումնասիրությանը։
Ընթացիկ ամսվա համար առաջարկում ենք ուսումնասիրել հետևյալ թեմաները.

Թուրքիայի միջամտությունը Լիբիայի հակամարտությանը։
Ալիևյան բարեփոխումների ընթացքն Ադրբեջանում. ՏԻՄ և արտահերթ խորհրդարանական ընտրություններ։
Իրանի միջուկային համաձայնության շուրջ զարգացումներ
Սիրիական հակամարտության ներկա շրջափուլի առանձնահատկությունները․ արտաքին և ներքին դերակատարների ազդեցության դիրքային պատկերը։

Ուսանողները սահմանափակված չեն միայն մեր կողմից առաջարկվող թեմաներով, սակայն կարևոր է ուսումնասիրվող խնդրի արդիականությունը։

Հոդվածներն ընդունվում են հայերեն կամ ռուսերեն տարբերակներով։ Դրանցից հաջողվածները խմբագրության փուլը հաղթահարելուց հետո կհրապարակվեն կայքի «Երիտասարդ փորձագետ» բաժնում։ Հոդվածի վերջում անհրաժեշտ է նշել տեղեկատվական աղբյուրները։

Հոդվածների տեխնիկական չափանիշներն են․

Տառատեսակը՝ Sylfaen, տեքստի տառաչափը՝ 12, միջտողային հեռավորությունը՝ 1,15։
Հոդվածի սկզբում վերնագիրը՝ գլխատառերով։
Հոդվածի վերջում հեղինակի անուն ազգանունը, տարիքը, ուսումնառության վայրը (համալսարան, ֆակուլտետ, ամբիոն, կուրս), էլեկտրոնային հասցեն, հեռախոսահամարը։
Հոդվածի ծավալը՝ A4 ֆորմատի մինչև 5 էջ։

Հոդվածների առաջին խումբն ընդունվում է մինչև փետրվարի 29-ը։ Հարցերի դեպքում կարող եք գրել, ինչպես նաև հոդվածներն ուղարկել [email protected] էլեկտրոնային հասցեին։