Թուրքիայի և Իսրայելի միջև գազամուղի կառուցման հավանական ծրագիրը կարճաժամկետ հատվածում հնարավոր չէ իրականացնել: Այս մասին հայտարարել է Թուրքիայի արտգործնախարար Մևլութ Չավուշօղլուն:
Թուրքիայի նախագահն էլ իր հերթին հայտարարել էր, որ ցանկանում է այս հարցը քննարկել Իսրայելի վարչապետ Նաֆթալի Բեննեթի հետ՝ հույս ունենալով խորացնել Իսրայելի հետ էներգետիկ համագործակցությունը:
«Եթե մենք Ռամադանից հետո քննարկենք այս հարցը Բեննեթի հետ և անմիջապես քայլեր ձեռնարկենք, գործընթացը կարագացնի Իսրայել-Թուրքիա համագործակցությունը արևելյան միջերկրածովյան նավթի և բնական գազի շուրջ», – լրագրողներին ասել է թուրք արտգործնախարարն Ուզբեկստան կատարած ուղևորությունից վերադառնալիս:
Նշենք, որ Ռամադան պահքի ամիսը սկսվելու է ապրիլի 2-ին:
Ուշագրավ է, որ վերջերս թուրք-իսրայելական հարաբերություններում զգալի ջերմացում է նկատվում: Նախորդ ամիս 15 տարվա դադարից հետո Անկարա էր մեկնել Իսրայելի նախագահ Իցխակ Հերցոգը և հանդիպել իր թուրք պաշտոնակցի հետ: Իսկ թուրքական Ahaber հեռուստաալիքին տված հարցազրույցում Չավուշօղլուն հայտարարել էր, որ մայիսին այցելելու է Իսրայել՝ քննարկելու դեսպանատների վերաբացման խնդիրը:
Հետևեք մեզ տելեգրամում
