Այսօր Քուվեյթի Ալ-Մուբարաքիյա շուկայում հսկայական հրդեհ է բռնկվել։ Այս մասին հայտնում է քուվեյթյան «Al-Qabas» օրաթերթը:
Թերթի տեղեկություններով՝ հսկայական հրդեհը բռնկվել է շուկայի որոշ խանութներում: Շուրջ 50 հրշեջներ աշխատանքներն են իրականացնում հրդեհը մարելու համար: Տուժածների մասին տեղեկություններ չեն հաղորդվել:
Թերթը նաև տեղեկացրել է, որ հրդեհը տարածվել է ավելի քան քսան խանութների վրա, իսկ դյուրավառ հեղուկների առկայությունը դժվարեցնում է կրակի մարման աշխատանքները:
Նշենք, որ Ալ-Մուբարաքիյա շուկան գտնվում է Քուվեյթի մայրաքաղաքում և համարվում է քաղաքի ամենահին շուկաներից մեկը:
Հետևեք մեզ տելեգրամում
