Իրաքի հյուսիսում՝ Մոսուլի մոտակայքում տեղակայված թուրքական ռազմաբազան ենթարկվել է հրթիռակոծության: Տեղեկությունը հայտնում են իրաքյան լրատվամիջոցները:
Լրատվամիջոցների տեղեկացմամբ՝ հրթիռակոծությունից հետո Իրաքի անվտանգության ուժերը համապատասխան միջոցառումներ են ձեռնարկել:
Նշենք, որ նախորդ երեքշաբթի թուրքական այս ռազմաբազան կրկին հարձակման էր ենթարկվել։ Տուժածների մասին տեղեկություններ չէին հաղորդվել:
Ուշագրավ է, որ հարձակման նախորդ օրը Թուրքիայի պաշտպանության նախարարությունը հայտարարություն է տարածել՝ նշելով, որ Հյուսիսային Իրաքում «Քուրդիստանի բանվորական կուսակցության» 4 անդամների է չեզոքազրել:
Հիշեցնենք, որ «Քուրդիստանի բանվորական կուսակցությունը», որի գլխավոր ռազմաբազան՝ ըստ թուրքական լրատվամիջոցների, գտնվում է Իրաքի Քանիդիլի լեռներում, Թուրքիայում համարվում է ահաբեկչական կառույց: Թուրքիայի օդուժի կործանիչները պարբերաբար հարվածներ են հասցնում քուրդ զինյալների հենակետերին: Նրանց դեմ ռազմական գործողությունները ընթանում են նաև Թուրքիայի ներսում:
Հետևեք մեզ տելեգրամում
