Դամասկոսում հանդիպել են Սիրիայի հարցով ՄԱԿ-ի հատուկ ներկայացուցիչ Գեյր Պեդերսենը և Սիրիայի արտգործնախարար Ֆայսալ Միկդադը:
Հանդիպման ընթացքում Միկդադը մատնանշել է «Թուրքիայի կողմից Սիրիայի տարածքի մի մասի շարունակական օկուպացումը՝ զգուշացնելով Սիրիայի հյուսիսում «անվտանգ գոտու» ստեղծման վերաբերյալ թուրքական վարչակարգի վերջին հայտարարությունների վտանգի» մասին:
Իր հերթին Պեդերսենը կարևոր քայլ է որակել համաներման մասին Սիրիայի վարչակարգի վերջին որոշումը: Նա նաև նշել է, որ սահմանադրական հանձնաժողովի հաջորդ փուլն անցկացվելու է այս ամսվա 28-ին։
Հաղորդվում է, որ հանդիպմանը ներկա էր նաև Սիրիայի փոխարտգործնախարար Բաշար Ալ-Ջաֆարին:
Հետևեք մեզ տելեգրամում
