Ադրբեջանի հետ Akıncı անօդաչու թռչող սարքերի համատեղ արտադրության շուրջ բանակցություններ են ընթանում։ Այս մասին ադրբեջանական АПА-ին հայտնել է Թուրքիայի արդյունաբերության եւ տեխնոլոգիաների նախարար Մուստաֆա Վարանքը։
«Այժմ մենք դիտարկում ենք, թե ինչ կարող ենք համատեղ արտադրել։ Թուրքիայի համապատասխան կառույցները սերտորեն համագործակցում են Ադրբեջանի հետ»,- ասել է նա։
Նախարարը նաև ընդգծել է, որ Թուրքիան պատրաստ է Ադրբեջանին աջակցություն ցուցաբերել տիեզերական ոլորտում, այդ թվում՝ արբանյակների արտադրության մեջ։
Հետևեք մեզ տելեգրամում
