Կարծում եմ, որ Ռուսաստանում արդեն գիտակցում են Ադրբեջանի հակառուսական էությունը եւ անհուսալի «գործընկեր» լինելը, ինչը քանիցս ապացուցվել է, իսկ դրա վերջին դրսեւորումը դարձավ «ՌԻԱ Նովոստի»-ի արգելափակումը Ադրբեջանի տարածքում՝ ինձ հետ հարցազրույց հրապարակելու պատճառով։ Այս մասին իր Telegram-ալիքում գրել է Արցախի Հանրապետության պետնախարար Արտակ Բեգլարյանը։
«Հետաքրքիր է, երբ ադրբեջանական իշխանությունները.
▪ իրենց բոլոր մեդիա-ռեսուրսներով տարածում են ատելություն ոչ միայն հայերի, այլև ռուս ժողովրդի դեմ,
▪ պարբերաբար խախտում են 2020թ. նոյեմբերի 9-ի եռակողմ հայտարարության դրույթները՝ սպանելով քաղաքացիական անձանց Արցախում, ռուս խաղաղապահների աչքի առաջ,
▪ շրջանցելով ռուս խաղաղապահներին՝ նրանք զավթում են Փառուխ բնակավայրը և Քարագլխի բարձունքը, որը գտնվում է նրանց պատասխանատվության գոտում, իսկ դեկտեմբերին նաև Խծաբերդ ու Հին Թաղեր գյուղերը,
▪ ոչնչացնում են իրենց օկուպացիայի տակ հայտնված ոչ միայն հայկական մշակութային ժառանգությունը, այլև միաժամանակ Հայրենական մեծ պատերազմի հուշարձանները, որոնք համարվում են ինչպես հայկական, այնպես էլ ռուսական արժեքներ,
▪ աջակցում են Ռուսաստանի դեմ պատժամիջոցներին։ Նրանք կարծում են, թե իմ հարցազրույցը «ՌԻԱ Նովոստի»-ին (@rian_ru) ընդամենը քայլ էր, որ ճշմարտության ու արդարության պլատֆո՞րմ էր տալիս, և ոչ թե ինչ-որ փաստաթղթերի ու պայմանավորվածությունների խախտում էր, որոնք հենց իրենք են խախտում վերոնշյալ և այլ ագրեսիվ գործողություններով ոչ միայն Արցախի ու Հայաստանի, այլև Ռուսաստանի դեմ»,- գրել է Արտակ Բեգլարյանը։
Նշենք, որ Ադրբեջանում արգելափակվել է «ՌԻԱ Նովոստի»-ի կայքը։ Ադրբեջանի ԱԳՆ-ը հայտարարել էր, որ ռուսական պետական լրատվական գործակալությունը «տարածում է» Լեռնային Ղարաբաղի իշխանությունների հայտարարությունները։ Պատճառը Արցախի պետնախարար Արտակ Բեգլարյանի խոսքերի հրապարակումն է եղել։
Հետևեք մեզ տելեգրամում
