Կատարը Լիբանանի բանակին 60 միլիոն դոլարի աջակցություն է տրամադրելու: Տեղեկությունը փոխանցում է Կատարի պետական լրատվական գործակալությունը:
Նշենք, որ աջակցության տրամադրմանը նախորդել էր Կատարի փոխվարչապետ, արտգործնախարար շեյխ Մուհամմադ բն Աբդել Ռահման Ալ-Թանիի այցը Լիբանան:
«Հայտարարությունը հրապարակվում է Լիբանանի Հանրապետությանն աջակցելու Կատարի պետության հաստատակամ պարտավորությունների շրջանակում»,- ասվում է Կատարի արտգործնախարարության հայտարարության մեջ։
Երեկ լիբանանյան ռազմական աղբյուրները գրել էին, որ Կատարի ֆինանսական աջակցությունը կօգնի վճարել լիբանանցի զինվորների աշխատավարձերը:
Հետևեք մեզ տելեգրամում
