ՀՀ վարչապետ Նիկոլ Փաշինյանի հետ հեռախոսազրույցում Իրանի նախագահ Էբրահիմ Ռայիսին ընդգծել է, որ հայ-իրանական սահմանը պետք է պահպանվի ցանկացած գնով։
Այս մասին Twitter-ում գրել է Իրանի նախագահի աշխատակազմի ղեկավարի քաղաքական հարցերով տեղակալ Մոհամմադ Ջամշիդին թվիթերում:
Նշենք, որ երեկ Իրանի նախագահը և ՀՀ վարչապետը հեռախոսազրույց են ունեցել: Զրույցի ընթացքում Ռայիսին հիշատակել էր Իրանի Իսլամական հեղափոխության գերագույն առաջնորդ Այաթոլլա Խամենեիի՝ վերջերս Ռուսաստանի և Թուրքիայի նախագահների հետ հանդիպման ժամանակ արված հայտարարությունը առ այն, որ Իրանը զգայուն է Կովկասյան տարածաշրջանում իր սահմանների հարցում և կհակազդի դրանք փոփոխելու ցանկացած փորձի:
Հետևեք մեզ տելեգրամում
