Երեկ Իսրայելի օդուժը Լիբանանի օդային տարածքից ավիահարվածներ է հասցրել Դամասկոս և Տարտուս քաղաքներին: Տեղեկությունը փոխանցում է սիրիական SANA լրատվամիջոցը՝ վկայակոչելով ռազմական աղբյուրներին:
SANA-ն մանրամասնել է, որ Իսրայելի զինված ուժերը երեկ` Սիրիայի ժամանակով 20:50 «օդային ագրեսիա է իրականացրել՝ թիրախավորելով Դամասկոսի և Տարտուսի որոշ դիտակետեր՝ օգտագործելով համապատասխանաբար Բեյրութի և Միջերկրականի օդային տարածքը»:
Հրթիռակոծության հետևանքով սպանվել է 3 զինվոր, վիրավորվել՝ ևս 3-ը:
Հետևեք մեզ տելեգրամում
