Այսօր առավոտյան Բեյրութի նավահանգստում պայթյունի հետևանքով վնասված հացահատիկի սիլոսների հյուսիսային հատվածը փլուզվել է:
Ավելի վաղ նախազգուշացվել էր, որ կառույցը շատ է թեքվել և երկար ժամանակ կանգուն մնալ չի կարող:
Փլուզման հետևանքով ծովափնյա հատվածի վրա մոխրագույն փոշու ամպ է հայտնվել: Տուժածների մասին առայժմ տեղեկություններ չկան:
Հիշեցնենք, որ 2020 թվականի օգոստոսի 4-ին Բեյրութի նավահանգստում տեղի էր ունեցել պայթյուն, որի հետևանքով զոհվել էր ավելի քան 220 մարդ և վնասվել հացահատիկի սիլոսների հյուսիսային հատվածը:
Վերջին շրջանում սիլոսներում հրդեհ էր բռնկվել և շաբաթներ շարունակ հնարավոր չէր մարել:
Սիլոսների մի մասը փլուզվել էր հուլիսի 31-ին, իսկ մյուս հատվածը՝ օգոստոսի 4-ին՝ պայթյունի երկրորդ տարելիցին:
Հետևեք մեզ տելեգրամում
