Իրանական Rouydad24 լրատվական-վերլուծական կայքը հոդված է հրապարակել Հվ- Կովկասում տիրող ընդհանուր իրավիճակի մասին։ Հոդվածում նշվել է, որ իր Իրանի հյուսիսային սահմաններում տեղի ունեցող աշխարհաքաղաքական փոփոխությունները շատ վտանգավոր են Թեհրանի համար։
Շեշտվել է, որ 44-օրյա պատերազմում ադրբեջանական բանակի առաջխաղացումը ուղեկցվել է Թուրքիայի և Իսրայելի ուղղակի և անուղղակի աջակցությամբ։ Ընդգծվել է, որ «արդյունքում ռուսները վերջին երեսուն տարվա ընթացքում առաջին անգամ ստիպված եղան այս տարածաշրջանի ազդեցությունը կիսել մեկ այլ տարածաշրջանային տերության՝ Թուրքիայի հետ։ Միաժամանակ Իրանի արտաքին քաղաքականությունն այս հարցում ցուցաբերել է անվճռականություն և պասիվություն, ինչի արդյունքում թուլացել է Ռուսաստանի և Իրանի դերը»։
Հոդվածում ընդգծվել է, որ ռուսական ուժերի դուրսբերումը Կովկասից միջնաժամկետ հեռանկարում կարող է լուրջ խնդիրներ առաջացնել տարածաշրջանում Ռուսաստանի ազդեցության համար։
«Հարցը շատ զգայուն հարց է Իրանի համար, հատկապես հաշվի առնելով Իրանի նկատմամբ Բաքվի անջատողական պահանջները։ Մյուս կողմից էլ սա լուրջ խնդիրներ կառաջացնի Հյուսիս-Հարավ միջանցքով բեռների անվտանգ փոխադրման համար»,-նշվում է հոդվածում:
Հետևեք մեզ տելեգրամում
