Իսրայելի խորհրդարանի արտաքին հարաբերությունների և պաշտպանության հանձնաժողովի նախագահ Ռամ Բեն-Բարաքը հայտարարել է, որ Հալեպի միջազգային օդանավակայանի վրա օդային հարվածները ուղերձ են՝ Սիրիայի նախագահ Բաշար Ալ-Ասադին ուղղված:
«Հարձակումը նշանակում էր, որ որոշ ինքնաթիռներ չեն կարողանա վայրէջք կատարել [Հալեպի օդանավակայանում]»,- հայտարարել է Բեն-Բարաքը Ynet Radio-ի հետ զրույցում:
Պաշտոնյայի խոսքով՝ Իսրայելի ռազմավարության նպատակն է խափանել Իրանի աջակցությունը զինված խմբավորումներին: Ըստ նրա՝ այդ աջակցությունը դրսևորվում է նաև ճշգրիտ զենքերի մատակարարմամբ:
Հիշեցնենք, որ նախորդ շաբաթ Իսրայելի ռազմաօդային ուժերը երկու անգամ հարվածներ են հասցրել Հալեպի միջազգային օդանավակայանին: Ավելի ուշ Մարդու իրավունքների սիրիական դիտարանը հաղորդել էր, որ հրթիռակոծության հետևանքով սպանվել է 3 մարդ:
Հետևեք մեզ տելեգրամում
