Ստեփանակերտի հոկտեմբերի 30-ի հանրահավաքին մասնակցել է շուրջ 40 հազար քաղաքացի։ Այս մասին տեղեկացնում է Արցախի Հանրապետության Ազգային ժողովը։
«Արցախի Հանրապետության Ազգային ժողովի՝ հոկտեմբերի 30-ին հրավիրված արտահերթ նիստին զուգահեռ Ստեփանակերտի վերածննդի հրապարակում կայացած հանրահավաքին
Ստեփանակերտից և շրջաններից շուրջ 40,000 քաղաքացիների մասնակցությամբ հանրահավաքում, ի թիվս այլ ելույթների, ԱԺ պատգամավոր Արեգ Ավագյանը ներկայացրել է Ազգային ժողովի հայտարարությունը»,- ասվում է հաղորդագրության մեջ:
Հիշեցնենք, որ երեկ՝ հոկտեմբերի 30-ին Արցախի մայրաքաղաք Ստեփանակերտի Վերածննդի հրապարակում բազմահազարանոց հանրահավաք է անցկացվել: Այն մեկնարկել էր Արցախի Ազգային ժողովի արտահերթ նիստին զուգահեռ։ Արցախի ԱԺ նիստում ընդունվել է հայտարարություն, որում նշվել է, որ Արցախը երբեք չի եղել և չի լինելու անկախ Ադրբեջանի կազմում։ Հենց այս գաղափարը պետք է լինի ադրբեջանա-ղարաբաղյան հակամարտության կարգավորման հիմքում։ Բացի այդ, շեշտվել է, որ ցանկացած փորձ՝ Արցախը բռնակցելու Ադրբեջանին, կհանդիսանա միջազգային իրավունքի կոպտագույն խախտում և հայ ժողովրդի նոր ցեղասպանության իրագործման պաշտոնական արտոնագիր, հետևաբար՝ նման բովանդակությամբ փաստաթղթերը Արցախի Հանրապետության համար անընդունելի են։
Հետևեք մեզ տելեգրամում
