Իրաքում տեղի ունեցած ահաբեկչության զոհերի թիվը հասել է 11-ի: Տեղեկությունը հայտնում է իրաքյան պետական լրատվական գործակալությունը:
Գործակալության տեղեկացմամբ՝ երեկ Իրաքի ժամանակով ժամը 20:30-ին մոտոցիկլետներով մի խումբ ահաբեկիչներ երեք կողմից հարձակվել են Ալբու Բալի գյուղի վրա: Նախնական տվյալներով՝ կես ժամ տևած հարձակման հետևանքով զոհվել է 8 խաղաղ բնակիչ, վիրավորվել՝ ևս 3-ը:
Ոչ ոք դեռևս չի ստանձնել հարձակման պատասխանատվությունը, սակայն իրաքյան ԶԼՄ-ները գրում են, որ ահաբեկչության ետևում կանգնած է «Իսլամական պետություն» ահաբեկչական կազմակերպությունը:
Նշենք, որ Ալբու Բալին գյուղատնտեսական գյուղ է՝ բնակեցված մեծամասամբ ֆերմերներով: Այն գտնվում է մայրաքաղաք Բաղդադի հյուսիսում:
Հետևեք մեզ տելեգրամում
