Ֆրանսիայի արտգործնախարարությունը հայտնել է, որ երկուշաբթի Փարիզում միջազգային կոնֆերանս է կայանալու Լիբանանում քաղաքական ճգնաժամը հաղթահարելու համար:
Կոնֆերանսին մասնակցելու են Ֆրանսիայի, ԱՄՆ-ի, Սաուդյան Արաբիայի, Կատարի և Եգիպտոսի ներկայացուցիչները:
Ֆրանսիայի արտգործնախարար Կատրին Կալոնան իր հերթին մտահոգություն է հայտնել Լիբանանում քաղաքական ճգնաժամի առնչությամբ: Նրա խոսքով՝ Ֆրանսիան և տարածաշրջանային գործընկերների՝ այդ թվում Սաուդյան Արաբիայի հետ միջոցներ են քննարկում «խրախուսելու լիբանանյան քաղաքական դասին ստանձնել իր պարտականությունները և ճգնաժամից դուրս գալու ուղիներ գտնել»:
Նշենք, որ Լիբանանը ղեկավարվում է ժամանակավոր կառավարության կողմից: Լիբանանը մի քանի ամիս շարունակ չունի նախագահ, քանի որ օրենսդիրները չեն կարողանում նոր նախագահ ընտրել: Իսկ նախկին նախագահ Միշել Աունի պաշտոնավարման ժամկետն ավարտվել է դեռևս նախորդ տարի հոկտեմբեր ամսին:
Հետևեք մեզ տելեգրամում
