Վրաստանի պաշտպանության նախարար Ջուանշեր Բուրճուլաձեն պաշտոնական այցով մեկնել է ԱՄՆ-ը:
Ինչպես հաղորդում է Վրաստանի ՊՆ-ը, Ջուանշեր Բուրճուլաձեն հանդիպել է ԱՄՆ-ի Պենտագոնի ղեկավար Լյոդ Օսթինի հետ։
Հանդիպման ընթացքում կողմերը քննարկել են Վրաստանի և ԱՄՆ-ի միջև պաշտպանության և անվտանգային ոլորտներին առնչվող հարցեր։
«Վրաստանը և վրաց ժողովուրդը մեծ կարևորություն են տալիս ԱՄՆ-ի հետ ռազմավարական հարաբերություններին, ինչը նպաստում է Վրաստանի անվտանգային կարողությունների և երկրի խաղաղ ու կայուն զարգացմանը»,-նշել է Բուրճուլաձեն։
Հանդիպմանը կողմերը քննարկել են տարածաշրջանում առկա մարտահրավերները, ինչպես նաև անդրադարձ է կատարվել Ռուսաստանի կողմից Վրաստանի և Ուկրաինայի տարածքների բռնազավթմանը։
Հետևեք մեզ տելեգրամում
