Սիրիայի արտաքին գործերի նախարարությունը դատապարտել և «անօրինական» է որակել ԱՄՆ բարձրաստիճան զինվորականի անսպասելի այցը՝ երկրի հյուսիս-արևելքում գտնվող և քրդերի կողմից վերահսկվող ռազմաբազան:
Շաբաթ ԱՄՆ Միացյալ շտաբի ղեկավար գեներալ Մարկ Միլին անսպասելի այց էր կատարել քրդերի գլխավորած «Սիրիայի դեմոկրատական ուժերի» (SDF) վերահսկողության տակ գտնվող տարածքներում տեղակայված ամերիկյան ռազմաբազա, որը հյուրընկալում է 900 հոգանոց անձնակազմ:
Սիրիայի ԱԳՆ-ը կոչ է արել «ԱՄՆ վարչակազմին անհապաղ դադարեցնել միջազգային իրավունքի սիստեմատիկ և շարունակական խախտումն ու աջակցությունն անջատողական զինված խմբավորումներին»:
Սիրիական կողմը հավելել է, որ ամերիկացի գեներալի այցը «Սիրիայի տարածքային ամբողջականության կոպտագույն խախտում է»:
Իր հերթին Մարկ Միլիի խոսնակը հայտնել է, որ այցի ընթացքում գեներալը հակաահաբեկչական առաքելության գործունեությանն է հետևել:
Հետևեք մեզ տելեգրամում
