Իրանի ԱԳՆ խոսնակ Նասեր Քանանին հայտարարել է, որ պաշտոնական Թեհրանի համար կարևոր են Ադրբեջանի հետ հարաբերությունները:
«Մենք շեշտում ենք, որ պետք է առաջնորդվենք ընդհանուր շահերով և թույլ չտանք այլ կողմերին երկկողմ հարաբերություններում լարվածություն ստեղծել, ովքեր ցանկանում են լարվածություն ստեղծելով հասնել իրենց շահերին»,- մամուլի ասուլիսի ժամանակ հայտարարել է Քանանին:
Քանանիի խոսքով՝ Իրանը փորձել է նվազեցնել լարվածությունը՝ դիմելով դիվանագիտական բանակցությունների: Նա հիշեցրել է, որ վերջին զարգացումների վերաբերյալ երկխոսություն է տեղի ունեցել Իրանի և Ադրբեջանի արտգործնախարարների միջև:
«Երկխոսությունները եղել են դրական և կառուցողական, իսկ թյուրիմացությունները հարթվում են։ Մենք վերադառնում ենք հարաբերությունների բնական ընթացքին։ Հուսով ենք, որ ադրբեջանական կողմի համակարգմամբ մենք կձեռնարկենք հաջորդ քայլերը և հարաբերությունները կվերադարձնենք բնականոն հունի»,-հավելել է Քանանին։
Հետևեք մեզ տելեգրամում
