ՆԱՏՕ-ն փետրվարի 28-ին Թուրքիայի պահանջով արտահերթ խորհրդակցություն է անցկացրել Իդլիբի շուրջ տեղեկատվության փոխանակման համար: Խորհրդակցությունը տևել է 1 ժամ 10 րոպե, որում հայտարարություններով է հանդես եկել ՆԱՏՕ-ի գլխավոր քարտուղար Յենս Ստոլտենբերգը:
Ստոլտենբերգը կոչ է արել անմիջապես վերահաստատել 2018թ. հրադադարը և օգնություն ուղարկել Իդլիբում շրջափակված բնակչությանը:
Ստոլտենբերգը նշել է, որ Թուրքիան Իդլիբի հարցով շարունակելու է տեղեկություններ տրամադրել ՆԱՏՕ-ին և հավելել, որ ՆԱՏՕ-ն իր հերթին շարունակելու է աջակցել Թուրքիային:
ՆԱՏՕ-ի քարտուղարը դատապարտել է Սիրիայի կառավարական ուժերի գործողությունները:
«Այժմ Իդլիբում մնացածների համար հումանիտար վիճակը բավականին վատ է: ՆԱՏՕ-ն Թուրքիայի կողքին է և վերջինիս համարում է շատ կարևոր դաշնակից: Շարունակելու ենք պաշտպանել ՆԱՏՕ-ի հարավ-արևելյան սահմանը»,-ասել է նա:
Հետևեք մեզ տելեգրամում
