Ռուսաստանն անհանգստացած է Լեռնային Ղարաբաղում շարունակվող լարվածությամբ և Բաքվին ու Երևանին զսպվածության կոչ է անում։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը:
«Իհարկե, մենք մտահոգված ենք, որ լարվածությունը չի թուլանում և նույնիսկ որոշ ոլորտներում աճի միտում ունի։
Չնայած ամեն ինչին, Ռուսաստանը մնում է անվտանգության հուսալի երաշխավոր։ Մենք շարունակում ենք մեր շփումները թե՛ Երեւանի, թե՛ Բաքվի հետ»,- Պեսկովի խոսքերը մեջբերել է ТАСС լրատվամիջոցը:
Պեսկովը երկու կողմերին էլ զսպվածության կոչ է արել և գործել համաձայն եռակողմ հայտարարության՝ «հաշվի առնելով այն նոր իրողությունները, որոնք ի հայտ են եկել դրանից հետո»:
Հետևեք մեզ տելեգրամում
