Թուրքիայի պաշտպանության նախարարությունը հայտարարել է, որ Սիրիայի հյուսիսում այն շրջաններում, որոնք դուրս են գտնվում «Խաղաղության ակունք» ռազմական գործողության շրջանակներից, նոր գործողություն իրականացնելու անհրաժեշտություն այլևս չկա:
Թուրքիայի ՊՆ-ն հայտարարությունը տարածել է այն բանից հետո, երբ Ռուսաստանի և Թուրքիայի նախագահները համաձայնություն են ձեռք Եփրատից արևելք ընկած Սիրիայի հյուսիսային շրջանների հարցում: ՊՆ-ի հայտարարության մեջ 6 կետով նշվել է «Խաղաղության ակունք» ռազմական գործողությունից հետո ձեռք բերված արդյունքները:
Նախ հիշեցվել է, որ հոկտեմբերի 17-ին համաձայնություն էր ձեռք բերվել ԱՄՆ-ի և Թուրքիայի միջև, որով 120 ժամով դադարեցվել էր Թուրքիայի ռազմական գործողությունը: Նշվել է, որ այդ ընթացքում Թուրքիան կատարել է համաձայնության կետերը: Ընդգծվել է, որ ըստ ամերիկյան կողմի հավաստիացումների, այդ շրջաններից դուրս են բերվել քրդական ուժերը:
Հայտարարության մյուս կետերը վերաբերում են Ռուսաստանի նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի Սոչում ձեռք բերած համաձայնությանը: Նշվել է, որ այդ համաձայնության շրջանակներում սկսում են համատեղ աշխատանքները Ռուսաստանի հետ: Թուրքիայի պաշտպանության նախարարությունն ընդգծել է, որ այդ համաձայնությունից հետո անհրաժեշտություն չկա նոր ռազմական գործողություն իրականացնել:
Հայտարարությամբ Թուրքիան վերահաստատել է ահաբեկչության դեմ պայքարում իր վճռականությունը:
Թուրքիայի ՊՆ. Սիրիայի հյուսիսում նոր գործողություն իրականացնելու անհրաժեշտություն չկա
Հետևեք մեզ տելեգրամումՎերջին լուրեր
