Ադրբեջանում կայանալիք արտահերթ նախագահական ընտրություններում թեկնածուների թիվը հասել է 5-ի։
Դեկտեմբերի 15-ին «Նոր Ադրբեջան» կուսակցության վարչության ընդլայնված նիստում որոշում է կայացվել նախագահական ընտրություններում առաջադրել գործող նախագահ Իլհամ Ալիևի թեկնածությունը։
Դեկտեմբերի 16-ին «Մեծ հիմնադրում» կուսակցությունը պատգամավորի թեկնածու է առաջադրել խորհրդարանի պատգամավոր, նույն կուսակցության նախագահ Ֆազիլ Մուստաֆային։
Նույն օրը Ադրբեջանի սոցիալական հետազոտությունների կենտրոնի խորհրդի նախագահ, պատգամավոր Զահիդ Օրուջը ևս հայտարարել է առաջիկա նախագահական ընտրություններում իր թեկնածությունն առաջադրելու մտադրության մասին։
«Մեծ Ադրբեջան» կուսակցության նախագահ Էլշադ Մուսաևն իր թեկնածությունն է առաջադրել դեկտեմբերի 17-ին, իսկ դեկտեմբերի 18-ին «Համայն Ադրբեջանի ժողովրդական ճակատ» կուսակցությունն առաջադրել է կուսակցության նախագահ, պատգամավոր Գուդրեթ Հասանգուլիևի թեկնածությունը։
Հետևեք մեզ տելեգրամում
