Վրաստանի խորհրդարանի նախագահ Շալվա Պապուաշվիլին ոչ պաշտոնական այց է կատարել Հայաստան և հանդիպել ՀՀ ԱԺ նախագահ Ալեն Սիմոնյանի հետ։ Տեղեկությունը հայտնում է Վրաստանի կառավարության մամուլի ծառայությունը:
Հանդիպմանը կողմերը մտքեր են փոխանակել երկու երկրների հարաբերությունների, տնտեսական համագործակցության և ժողովուրդների միջև կապերի շուրջ։
Հաղորդվել է, որ Վրաստանի և Հայաստանի խորհրդարանների նախագահները քննարկել են նաև տարածաշրջանային խաղաղությանն և անվտանգությանն առնչվող հարցեր և այդ գործընթացներին խորհրդարանականների մասնակցության հնարավորությունները։
Ալեն Սիմոնյանը շնորհավորել է Վրաստանին Եվրամիության անդամության թեկնածու երկրի կարգավիճակ ստանալու կապակցությամբ։
Նշենք, որ Վրաստանի խորհրդարանի պատվիրակության կազմում են Վրաստանի խորհրդարանի նախագահի առաջին տեղակալ Գիորգի Վոլսկին, արտաքին հարաբերությունների հանձնաժողովի նախագահ Նիկոլոզ Սամխարաձեն և Հայաստանի խորհրդարանի հետ բարեկամության խմբի անդամ Անտոն Օբոլաշվիլին։
Հետևեք մեզ տելեգրամում
