Իսրայելը վճռական է ցամաքային ռազմական գործողություն իրականացնել Ռաֆահում, որտեղ հոկտեմբերի 7-ին սկսված պատերազմից ի վեր ապաստանել են հարյուր հազարավոր խաղաղ բնակիչներ:
Իսրայելի վարչապետ Բենիամին Նեթանյահուն հայտարարել է, որ Իսրայելը չի կարող հասնել ՀԱՄԱՍ-ի նկատմամբ «լիակատար հաղթանակի» հասնել՝ առանց Ռաֆահի դեմ պայքարելու։
Սակայն իրավիճակը բարդ է այնքանով, որ Ռաֆահ են ապստանել շուրջ 1.4 միլիոն պաղեստինցիներ: Նրանց մեծ մասը Գազայում բռնկված պատերազմի պատճառով է եկել սահմանային այս քաղաքը և ապրում է վրանային վատ պայմաններում:
Իսրայելի դաշնակիցները, այդ թվում ԱՄՆ-ը, պահանջում է հաշվի առնել խաղաղ բնակիչների իրավունքները և վերջ տալ նրանց անվերջանալի տառապանքներին:
Ի՞նչու է Ռաֆահը կարևոր
Այն պահից, երբ Իսրայելն, ի պատասխան ՀԱՄԱՍ-ի հարձակման, պատերազմ հայտարարեց, վարչապետ Նեթանյահուն ասել է, որ Իսրայելի նպատակն է լիովին ոչնչացնել ՀԱՄԱՍ-ը:
Ըստ իսրայելական կողմի՝ Գազայի հատվածում Ռաֆահը ՀԱՄԱՍ-ի վերջին գլխավոր հենակետն է, քանի որ Իսրայելի ԶՈՒ-ի իրականացրած գործողությունների արդյունքում ոչնչացվել են ՀԱՄԱՍ-ի 24 գումարտակներից 18-ը:
Իսրայելի պնդմամբ՝ Ռաֆահում ՀԱՄԱՍ-ը ունի 4 գումարտակ, որոնց անհրաժեշտ է տապալել: Որոշ բարձրաստիճան զինյալներ գուցե նույնպես թաքնվել են քաղաքում:
Իսրայելի ծրագրին կա մեծ հակազդեցություն
ԱՄՆ-ը Իսրայելին կոչ է արել չիրականացնել որևէ գործողությունը՝ առանց խաղաղ բնակչության տարհանման «վստահելի» ծրագրի։ Իր հերթին Եգիպտոսը հայտարարել է, որ պաղեստինցիներին Եգիպտոս մղելու ցանկացած քայլ սպառնում է Իսրայելի հետ չորս տասնամյակ ձգվող խաղաղության պայմանագրին:
Հետևեք մեզ տելեգրամում
