Թուրքիայի նախագահ Ռեջեփ Թայիփ Էրդողանն Անկարայում հանդիպել է Ուկրաինայի Ռադայի նախագահ Ռուսլան Ստեփանչուկի հետ։ Այդ մասին Ստեփանչուկը գրառում է արել Facebook –ի էջում;
Հանդիպման ժամանակ կողմերը քննարկել են թուրք-ուկրաինական հարաբերությունները, ինչպես նաև տարածաշրջանում տիրող իրավիճակը ու ռուս-ուկրաիանական պատերազմի արդյունքում գերի ընկած զինծառայողների վերադարձի խնդիրը ։
«Շնորհակալություն հայտնեցի Թուրքիայի Հանրապետության նախագահին՝ Ուկրաինայի տարածքային ամբողջականությանն ու ինքնիշխանությանը մշտապես աջակցություն ցուցաբերելու համար»,- նշված է եղել գրառման մեջ։
Նրա խոսքերով, ինչպես 10 տարի առաջ,այնպես էլ հիմա, Թուրքիան շարունակում է աջակցել Ուկրաինային Ղրիմի հարցում։
Նա ընդգծել է, որ Ուկրաինան հույս ունի Թուրքիայի նախագահի անմիջական մասնակցություն կունենա «Գլոբալ ժողովրդավարության» գագաթնաժողովին, որը տեղի կունենա Շվեյցարիայում 2024 թվականի հունիսին։
Ըստ թուրքական ու ուկրաինական լրատվամիջոցների՝ Էրդողանն իր հերթին ընդգծել է, որ Անկարան աջակցում է Ուկրաինայի «տարածքային ամբողջականությանն ու ինքնիշխանությանը»։ Նա նաև վստահեցրել է, որ Թուրքիայի լայնածավալ աջակցությունը Ուկրաինային կշարունակվի։
Հետևեք մեզ տելեգրամում
