Իրանի նախագահ Մասուդ Փեզեշքիանը հեռախոսազրույց է ունեցել Ֆրանսիայի նախագահ Էմանուել Մակրոնի հետ։ Տեղեկությունը հայտնում է IRNA լրատվամիջոցը:
Հեռախոսազրույցի ընթացքում Փեզեշքիանն ընդգծել է, որ Իրանը միշտ կառուցողական դեր է խաղացել տարածաշրջանի կայունության ապահովման գործում, սակայն Իսրայելն իր գործողություններով ձգտում է մեծացնել լարվածությունը, և, Իսրայելին դատապարտելու փոխարեն, ԱՄՆ-ն ու արևմտյան որոշ երկրներ աջակցում են նրան։
Նա քննադատել է Արևմուտքին երկակի մոտեցումը և նշել, որ, նրանք աջակցում են Իսրայելին և զսպավածության ու չպատասխանելու կոչ են անում այն երկրներին, որոնց դեմ Իսրայելը գործողություններ է ձեռնարկում։
«Եթե ԱՄՆ-ն ու արևմտյան երկրներն իսկապես ցանկանում են կանխել տարածաշրջանում պատերազմն ու անկայունությունը, պետք է դադարեն աջակցել և զենք վաճառել սիոնիստական ռեժիմին և պետք է այդ ռեժիմին ստիպեն դադարեցնել ցեղասպանությունն ու Գազայի վրա հարձակումները և ընդունել հրադադարի հաստատումը»,-ասել է Փեզեշքիանը։
Հետևեք մեզ տելեգրամում
