Թուրքիայի նախագահ Ռեջեփ Թայիփ Էրդողանը նախագահական նստավայրում ընդունել է Թուրքիայում ԱՄՆ դեսպան Ջեֆֆ Ֆլեյքին։ Հանդիպումն անցել է մամուլի համար փակ ձևաչափով։
Ուշագրավ է, որ մեկ տարի առաջ Էրդողանը հայտնել էր, որ այլևս չի հանդիպելու Թուրքիայում ԱՄՆ դեսպանի հետ, քանի որ Ֆլեյքը հանդիպել էր Թուրքիայի այդ ժամանակվա ընդդիմության միասնական թեկածու Քեմալ Քըլըչդարօղլուի հետ, ինչն էլ զայրութ էր առաջացրել իշխանական շրջանակներում։
«Ջո Բայդենն այցելում է պարոն Քեմալին։ Քլխով մտածեք։ Դուք դեսպան եք։ Այստեղ ձեր զրուցակիցը նախագահն է։ Դեսպանի համար մեր դռները փակ են, նա այլևս չի կարողանա ներս մտնել։ Թող իմանա, թե ինչպես պետք է աշխատի դեսպանը: Եթե նա դա չիմանա, չի կարողանա ներս մտնել»,-նշել էր Էրդողանը։
Հետևեք մեզ տելեգրամում
