Սեպտեմբերի 20-ից « Netflix »-ի հարթակում հնարավոր կլինի դիտել կիպրական արտադրության «Ֆամագուստա» սերիալը, որը պատմում է 50 տարվա վաղեմության իրադարձությունների մասին, երբ թուրքերը օկուպացրեցին Կիպրոսի մի մասը, իսկ ավելի ուշ այնտեղ ստեղծվեց ինքնահռչակ հանրապեություն։
24 սերիայից բաղկացած սերիալը սկսվում է 1974 թվականի օգոստոսի դեպքերով, երբ թուրքական կողմը սկսում է «Աթիլլա 2» օպերացիան։
17-ամյա Քրիստինան երեք ամսական որդու հետ փախնում է Ֆամագուստայի փողոցներով և հայտնվում թուրքական ինքնաթիռների ռմբակոծության տակ։ Պայթյունից հետո նա կորցնում է գիտակցությունը, իսկ երբ երիտասարդ կինն ուշքի է գալիս, նրա երեխան անհետանում է։
Անցնում են տարիներ, Քրիստինան ունենում է 3 երեխա, իսկ իր առաջնեկից այդպես էլ տեղեկություններ չկան, չնայած, որ կինը շարունակում է հույս տածել, թե կգտնի նրան։ Հետագայում պարզվում է, որ նրանց երեխային՝ Մայքլին, հաջողվել է ողջ մնալ, ով որդեգրվել էր Լոնդոնում ապրող հունական մի ընտանիքի կողմից։
50 տարի անց Մայքլը մեկնում է Կիպրոս՝ թուրքական ներխուժման մասին վավերագրական ֆիլմ նկարահանելու։ Մայքլը սկսում է հանդիպել 1974 թվականի դեպքրը վերապրածների ու ականատեսների հետ։
Ուշագրավ է, որ Թուրքիայի ԱԳՆ-ում ֆիլմի հետ կապված հիստերիա են բարձրացրել և կոշտ հայտարարությամբ հանդես եկել։ Ըստ Թուրքիայի ԱԳՆ-ի՝ սա «հերթական է փորձ է Թուրքիային և թուրքերին սևացնելու»։
Հետևեք մեզ տելեգրամում
