Վրաստանը ողջունում է դրական ընթացքը Հայաստանի և Ադրբեջանի միջև համակարտության լուծման ուղղությամբ: Պատրաստ ենք մեր դերակատարումն ունենալ՝ ապահովելու կայունությունը տարածաշրջանում, բնականաբար, մեր ուժերի ներածին չափով: Այդ մասին Վրաստանում վարչապետ Նիկոլ Փաշինյանի հետ համատեղ հայտարարության ժամանակ ասաց Վրաստանի վարչապետ Իրակլի Կոբախիձեն:
Վրաստանի վարչապետը նաև նշեց, որ իր երախտագիտությունն է հայտնել վարչապետ Փաշինյանին այն որոշման համար, համաձայն որի՝ աջակցություն է ցուցաբերվել ՄԱԿ-ի բանաձևին՝ փախստականների՝ Աբխազիա և Ցխինվալ վերադարձի մասով:
«Այդ որոշումը կնպաստի մեր երկու երկրների միջև հարաբերությունների հետագա ամրապնդմանը»,- ասաց Կոբախիձեն:
Հետևեք մեզ տելեգրամում
