Առանց Թուրքիայի՝ հարավում, Նորվեգիային՝ հյուսիսում և ԱՄՆ-ի, Կանադայի և Մեծ Բրիտանիայի՝ Արևմուտքում, անհնար է պատկերացնել եվրոպական մայրցամաքի անվտանգությունը։ Այս մասին Յենս Ստոլտենբերգը հայտարարել է ՆԱՏՕ-ի գլխավոր քարտուղարի պաշտոնում իր հրաժեշտի ելույթում։
«Եվրոպացիները պետք է հասկանան, որ առանց ՆԱՏՕ-ի Եվրոպայում անվտանգություն չի լինի։ ՆԱՏՕ-ի պաշտպանական ծախսերի 80 տոկոսն ուղղվում է ԵՄ անդամ չհանդիսացող երկրներին: Եվ դա միայն ռեսուրսների մասին չէ: Դա նաև աշխարհագրության խնդիր է»,- ասել է ՆԱՏՕ-ի գլխավոր քարտուղարը։ Նրա խոսքով՝ Անդրատլանտյան դաշինքը լավ է ծառայել Եվրոպային։
«Ճանապարհ հարթելով ավելի սերտ եվրոպական ինտեգրման համար։ Գերմանիայի վերամիավորման։ Եվ ժողովրդավարության և ազատության տարածմանը Կենտրոնական և Արևելյան Եվրոպայում: Սա պատմության դաս է, որը եվրոպացիները պետք է հիշեն: Անդրատլանտյան դաշինքը նաև լավ է ծառայել Միացյալ Նահանգներին: Ամերիկայի բարեկամներն ու դաշնակիցներն անփոխարինելի ներդրում ունեն Ամերիկայի անվտանգության և շահերի համար: ՆԱՏՕ-ի դաշնակիցները կողք կողքի կանգնեցին ԱՄՆ-ի հետ Կորեայից մինչև Աֆղանստան։ Եվ նրանք թանկ գին վճարեցին դրա համար։ Դա ուղղակի ճիշտ չէ, որ եվրոպացիներն առանց տոմս ուղևորներ են։ Ոչ մի այլ մեծ տերություն չունի այնքան շատ ընկերներ և դաշնակիցներ, որքան Միացյալ Նահանգները: Ցանկացած քաղաքականություն, որը փորձում է խաթարել դա, վատնում է Ամերիկայի մեծագույն արժեքներից մեկը»,- ասել է Ստոլտենբերգը։
Հետևեք մեզ տելեգրամում
