Վրաստանում ձերբակալված ադրբեջանցի ընդդիմադիր լրագրողի վիճակը վատացել է

Վրաստանում կալանավորված ադրբեջանցի ընդդիմադիր լրագրող Աֆգան Սադիգովի կինը հայտարարել է, թե «Ադրբեջանը՝ Իլհամ Ալիևը, հրաման է տալիս, իսկ Վրաստանն այդ հրամանը կատարում և բանտում սպանում է Աֆգանին»։

Լրագրողի կնոջ խոսքով՝ սեպտեմբերի 21-ից հացադուլ անող Սադիգովն այժմ հիվանդանոցում է: Նրա վիճակն օր օրի ավելի վատ է, սպասում են հերթական անալիքների պատասխանին։

Նշենք, որ Սադիգովի ընտանիքը Վրաստան է տեղափոխվել 2023-ի վերջին: 2024-ի հուլիսին նա փորձել է Թուրքիա մեկնել, սակայն վրացական կողմը տեղեկացրել է, որ միակ երկիրը, որ Վրաստանից կարող է գնալ՝ Ադրբեջանն է։ Օգոստոսի 3-ից լրագրողը 3 ամիս ժամկետով արտահանձնման կալանքի տակ է։