ԱՄՆ պետդեպարտամենտի խոսնակ Մեթյու Միլլերը հայտարարել է, որ ԱՄՆ-ը ողջունում է Հայաստանին և Ադրբեջանին սահմանազատման ընթացակարգի կանոնակարգը պաշտոնականացնելու համար։
«ԱՄՆ ողջունում է Հայաստանին և Ադրբեջանին սահմանազատման ընթացակարգի կանոնակարգը պաշտոնականացնելու համար՝ ի ցույց դնելով, որ առաջընթացը հնարավոր է մշտական երկխոսության միջոցով։ Մենք աջակցում ենք երկու կողմերի աշխատանքը, որն ուղղված է կայուն, արժանապատիվ խաղաղությանը՝ հանուն տարածաշրջանի անվտանգության և բարգավաճման»,-X բլոգում գրել է պետդեպարտամենտի խոսնակը։
Հիշեցնենք, որ հոկտեմբերի 25-26-ին Հայաստանի և Ադրբեջանի նախագահները ստորագրել էին հայ-ադրբեջանական սահմանազատման կանոնակարգը վավերացնելու մասին օրենքը։ ՀՀ Ազգային ժողովն այն 67 կողմ ձայնով վավերացրել էր հոկտեմբերի 23-ին, իսկ սեպտեմբերի 26-ին Սահմանադրական դատարանը սահմանազատման կանոնակարգը Հայաստանի Սահմանադրությանը համապատասխանող էր ճանաչել։
Հետևեք մեզ տելեգրամում
