Թուրքիան և Ռուսաստանը Ստամբուլում գազի առևտրի կենտրոն կբացեն

Թուրքիան և Ռուսաստանը 2025 թվականին Ստամբուլում գազային հանգույց կստեղծեն։ Այս մասին հայտարարել է Թուրքիայի էներգետիկայի նախարար Ալփարսլան Բայրաքթարը։

Ծրագրի մասնակիցները կլինեն թուրքական Botas ընկերությունը և ռուսական Գազպրոմը։ Գազի գինը որոշվելու է Ստամբուլի գազի ինդեքսով։ Թուրք նախարարի խոսքով՝ ՌԴ նախագահ Վլադիմիր Պուտինը Թուրքիայի նախագահ Ռեջեփ Էրդողանի հետ զրույցում հաստատել է, որ այդ հարցով հանձնարարականներ կտա «Գազպրոմին»։

Թուրքիայում կենտրոն ստեղծելու գաղափարն առաջացել էր 2022 թվականին Եվրոպա ռուսական գազի արտահանման կրճատման, ինչպես նաև «Հյուսիսային հոսքի» խափանման ֆոնին։ 2022 թվականի հոկտեմբերին հանգույցի կառուցման մասին հայտարարեց Վլադիմիր Պուտինը։