Ադրբեջանցիները հերթական անգամ պղծել են հայկական մշակութային արժեքը՝ այս անգամ Ստեփանակերտում գտնվող «Պապիկ-տատիկի» հուշարձանը։
Ադրբեջանական տելեգրամյան ալիքները, հաղթական երաժշտության ուղեկցությամբ, տարածում են հուշարձանի նկարները՝ ծաղրական գրություններով պատված։ Այս մասին հայտնում է «Ազատություն»-ը։
Բաքվի սոցիալական ցանցերում տարածված մեկնաբանություններից մեկն ասում է. «Այն կառուցվել է մեր փողերով, մենք կորոշենք՝ ինչ անել Մենք ենք մեր սարերը հուշարձանի հետ»:
Նախատեսվում է նաև այդ վայրում տեղադրել Ալիևի բռունցքի նոր արձանը։
Նշենք, որ փորձագետները բազմիցս ահազանգել են, որ Ադրբեջանը փորձում է վերացնել հայկական հետքը Արցախում։ Լեռնային Ղարաբաղում խաչերը հեռացվում են եկեղեցիներից, պատմական հուշարձանները ոչնչացվում։ Այս տարվա մարտին ադրբեջանցիները քանդեցին Ստեփանակերտի Վերածննդի հրապարակում գտնվող Արցախի Ազգային ժողովի շենքը։ Ապամոնտաժվել է նաև Շառլ Ազնավուրի հուշարձանը Ստեփանակերտում։
Հետևեք մեզ տելեգրամում
