ԱՄՆ Սենատը մերժել է մի շարք բանաձևեր, որոնք պահանջում էին դադարեցնել Իսրայելին հարձակողական զենքի մատակարարումը։ Առաջարկվող 3 բանաձևերին դեմ է արտահայտվել 100 սենատորներից ավելի քան 60-ը, կողմ՝ 17-ը։
Բանաձևերի գաղափարը առաջ է քաշել Վերմոնտի անկախ սենատոր Բեռնի Սանդերսը։ Նա կարծում է, որ Իսրայելին հարձակողական զենքի մատակարարումը խախտում է 1961 թվականին ընդունված Արտաքին օգնության ակտի մասին օրենքը։ Փաստաթուղթն արգելում է Վաշինգտոնին զենք մատակարարել այն երկրներին, որոնք ուղղակի կամ անուղղակիորեն խոչընդոտում են ամերիկյան մարդասիրական օգնության առաքմանը։
Համաձայն ԱՄՆ օրենսդրության՝ Կոնգրեսը կարող է արգելափակել արտերկրում զենքի զգալի վաճառքը՝ ընդունելով չհաստատելու բանաձև: Այնուամենայնիվ, այս բանաձևերից և ոչ մեկը մինչ այժմ քվեարկություն չի անցել երկու պալատներում և չի կարողացել վերացնել նախագահական վետոն:
Հետևեք մեզ տելեգրամում
