Իսրայելն ու «Հեզբոլլահ»-ը մտադիր են երկարաձգել հրադադարը

Լիբանանում հրադադարի պայմանագիրը լիբանանյան շիական «Հեզբոլլահ» շարժման և Իսրայելի միջև, որի ժամկետը լրանում է հաջորդ շաբաթ, ամենայն հավանականությամբ կերկարաձգվի։ Այս մասին հայտնում է Bloomberg-ը՝ հղում անելով աղբյուրներին։

Լիբանանի, իսրայելական և ֆրանսիական պաշտոնյաների խոսքերով, «Հեզբոլլահին» և Իսրայելին ավելի շատ ժամանակ է պետք՝ նոյեմբերի վերջին համաձայնեցված հրադադարի նախնական պայմանները կյանքի կոչելու համար և մտադիր չեն վերսկսել ռազմական գործողությունները: Իսրայելցի բարձրաստիճան դիվանագետը նշել է, որ երկու կողմերը քննարկում են հրադադարի ժամկետը երկարաձգելու հարցը, որը լրանում է հունվարի 27-ին, որպեսզի կանխվի հակամարտությունների վերսկսումը։ Քանի որ Իսրայելն ու Լիբանանը դիվանագիտական ​​հարաբերություններ չունեն, նրանք չեն կարող բանակցել առանց միջնորդների, ուստի կարգավորմանը մասնակցում են Լիբանանի, Իսրայելի և Ֆրանսիայի ներկայացուցիչներ։