Սիրիայի անցումային կառավարության նախագահ Ահմեդ Ալ-Շարաան վերահաստատել է Սաուդյան Արաբիայի կարևորությունը Սիրիայում կայունության աջակցության հարցում:
«The Rest is Politics»-ի հետ զրույցում Ալ-Շարաան նաև հավելել է, որ միշտ ձգտել է այցելել Սաուդյան Արաբիայի թագավորություն:
«Անձնական մակարդակում Սաուդյան Արաբիան իմ ծննդավայրն է, բայց պետական մակարդակում ուզում էի սկսել արաբական մեծ երկրից: Արքայազն Մուհամմադ բին Սալմանի հրավերից հետո ուզում էի այցելել Սաուդյան Արաբիա՝ տարածաշրջանում իր դիրքի և տարածաշրջանային միջավայրի վրա ունեցած ազդեցության պատճառով»,- ասել է Ալ-Շարաան:
Ալ-Շարաան ավելացրել է, որ Սիրիայի կառավարությունն աշխատում է Սաուդյան Արաբիայի հետ բոլոր ոլորտներում հաղորդակցության և համագործակցության մակարդակը բարձրացնելու ուղղությամբ:
«Սաուդյան Արաբիայի հետ քննարկել ենք ապագա ծրագրերը էներգետիկայի, տեխնոլոգիաների, կրթության և առողջապահության ոլորտներում»,- ասել է Սիրիայի նախագահը:
Հետևեք մեզ տելեգրամում
