Թուրքիայի նախկին վարչապետ Ահմեդ Դավութօղլուն առաջարկել է Գազայի հատվածում հանրաքվե անցկացնել և այն կցել Թուրքիային։
Նրա խոսքով՝ Գազան կարող է դառնալ ինքնավար շրջան Թուրքիայի Հանրապետության կազմում:
Դավութօղլուն, հիշեցնելով, որ Պաղեստինը ժամանակին եղել է Օսմանյան կայսրության կազմում (1516-1917 թթ.), նշել է.
«ԱՄՆ նախագահ Դոնալդ Թրամփը ցանկանում է վերցնել բնական գազի հանքավայրերը, որոնց նկատմամբ իրավունքներ ունեն պաղեստինցիները։ Վերջին օրինական պետությունը, որի կազմում ապրում էր Գազայի ժողովուրը, Օսմանյան կայսրությունն էր: Մենք Օսմանյան կայսրության օրինական իրավահաջորդն ենք։ Թող Գազայի բնակիչները հանրաքվե անցկացնեն և միանան Թուրքիայի Հանրապետությանը՝ որպես ինքնավար շրջան, մինչև Պաղեստինի պետություն ստեղծվի»:
Հետևեք մեզ տելեգրամում
