ԱՄՆ պետքարտուղար Մարկո Ռուբիոն X սոցցանցի իր միկրոբլոգում հայտնել է, որ Մյունխենում Թուրքիայի ԱԳՆ ղեկավարի հետ հանդիպման ժամանակ քննարկվել է իրադրությունը Հարավային Կովկասում:
«Այսօր Մյունխենում ես հանդիպեցի Թուրքիայի արտգործնախարար Հաքան Ֆիդանի հետ։ «Մենք քննարկել ենք մեր երկրների բազմաթիվ ընդհանուր շահերն ու նպատակները, ինչպես նաեւ ԱՄՆ եւ Թուրքիայի հարաբերությունների ամրապնդման ուղիները անվտանգության սպառնալիքներին դիմակայելու համար, այդ թվում՝ ԻՊ-ի դեմ պայքարի գլոբալ կոալիցիայի շրջանակում, Սիրիայում զարգացող իրավիճակը եւ հակամարտությունները Հարավային Կովկասում, ինչպես նաեւ Ռուսաստանի եւ Ուկրաինայի միջեւ»,- գրել է նա։
Ավելի վաղ լրատվամիջոցները տեղեկացրել էին երկու երկրների արտաքին քաղաքական գերատեսչությունների ղեկավարների հանդիպման մասին Մյունխենի անվտանգության համաժողովի շրջանակում։
Հետևեք մեզ տելեգրամում
