Մենք լավագույն օրինակն ենք, թե ինչպես է Բրյուսելը սխալ պատկերացումներ ստեղծում, և, համապատասխանաբար, այդ սխալ ընկալումների հիման վրա որոշակի քաղաքականություն վարում։ Վրաստանը դրա շատ լավ օրինակն է։ Այս մասին Վրաստանի Առաջին ալիքի «Օրվա թեմա» հաղորդման ժամանակ հայտարարել է երկրի արտգործնախարար Մակա Բոճորոշվիլին։
«Եկեք իրերն անվանենք իրենց անուններով. Վրաստանում ծրագրվում էր իշխանափոխություն։ Ով և որտեղ է դա պլանավորել, այլ հարց է, բայց այս գործընթացում Եվրոպան և Եվրամիությունը օգտագործվել և օգտագործվում են որպես գործիք․․․ Մեր երկրի եվրաինտեգրման գործընթացը, որը մեզ համար ազգային շահ է և շատ կարևոր խնդիր է։ Սակայն ինչ-որ մեկը որոշեց, որ այդ հարցը կարող է շահարկվել»,- ասել է արտգործնախարար Մակա Բոճորոշվիլին։
Վրաց արտգործնախարարը նշել է նաև, որ հիանալի հասկանում են , որ ԵՄ ինտեգրացիայի համար անհրաժեշտ են տնտեսական զարգացում և բարեփոխումներ, իսկ այդ բարեփոխումները բավական թանկ արժեն։
Ըստ Բոճորաշվիլիի՝դրա համար պահանջվում է շատ հավասարակշռված, կայուն զարգացում և քաղաքականություն, և, «բարեբախտաբար, այսօր Վրաստանն ունի այնպիսի կառավարություն, որն այնքան հեշտությամբ չի ենթարկվում մանիպուլյացիայի և շանտաժի, որ նրան վախեցնեն որոշակի ձևով գործելու համար»։
«Մենք երբեք չենք ասել, որ մեր ազգային շահը Եվրամիությունում չլինելն է։ Ընդհակառակը, մենք միշտ ասել ենք, որ մեր ազգային շահը Եվրամիությունում լինելն է։ Մենք կարծում ենք, որ դրան կարելի է հասնել միայն երկխոսության միջոցով։ Ինչի մասին մենք այսօր խոսում ենք, այն է, որ Բրյուսելի բյուրոկրատիան որոշել է չխոսել ժողովրդավարական ճանապարհով ընտրված կառավարության հետ»,- հայտարարել է Վրաստանի արտգործնախարարը։
Հետևեք մեզ տելեգրամում
