Ապրիլի 15-ին Հայաստանի Հանրապետության նախագահ Արմեն Սարգսյանն ու Վրաստանի նախագահ Սալոմե Զուրաբիշվիլին հեռավար զրույց են ունեցել։
Նախագահները քննարկել են կորոնավիրուսի համավարակի դեմ երկու երկրներում իրականացվող միջոցառումները, ձեռնարկվող կանխարգելիչ քայլերը և համավարակի հետևանքները հաղթահարելուն ուղղված գործողությունները։
Սարգսյանը և Զուրաբիշվիլին մասնավորապես կարևորել են ստեղծված իրավիճակում երկու հարևան և բարեկամ երկրների միջև բոլոր մակարդակներով սերտ փոխգործակցության հաստատումն ու մշտական շփումները՝ ընդգծելով, որ այսպիսի ճգնաժամային պահերին առավել, քան երբևէ կարևոր են դառնում համակարգված միջոցառումների իրականացումն ու համատեղ ջանքերը։
Հետևեք մեզ տելեգրամում
