ԱՄՆ-ն և Իսրայելը ձգտում են պաղեստինցիներին բնակեցնել Սիրիայու՞մ. ԶԼՄ

ԱՄՆ-ի և Իսրայելի իշխանությունները հետաքրքրություն են ցուցաբերել Գազայի հատվածից պաղեստինցիներին Սիրիայում բնակեցնելու հնարավորության նկատմամբ: Այս մասին հայտնում է CBS News-ը՝ հղում անելով աղբյուրներին։

Հաղորդվել է, թե ԱՄՆ նախագահ Դոնալդ Թրամփի վարչակազմը փորձել է այս հարցի շուրջ կապ հաստատել Սիրիայի նոր կառավարության հետ միջնորդի միջոցով։

Մեկ այլ աղբյուր էլ հաստատել է, որ հարցում է ուղարկվել սիրիական իշխանություններին, սակայն չի հստակեցրել՝ արդյոք որևէ պատասխան ստացվել է։

Իր հերթին սիրիացի բարձրաստիճան պաշտոնյան CBS-ին տված մեկնաբանությունում հերքել է ԱՄՆ-ի կամ Իսրայելի կողմից Գազայի բնակիչների վերաբնակեցման վերաբերյալ որևէ հարցում ստանալը:

Հիշեցնենք, որ փետրվարին Սիրիայի անցումային կառավարության նախագահ Ահմեդ ալ-Շարաան «ոչ բարոյական» է որակել պաղեստինցիներին Գազայից տարհանելու Թրամփի առաջարկը։