Լիբանանի և Սիրիայի պաշտպանության նախարարներ Միշել Մենասան և Մուրհաֆ Աբու Կասրան համաձայնության են եկել համատեղ սահմանին հրադադարի շուրջ։
«Համաձայնագիրը նախատեսում է երկու կողմերի միջև կոորդինացման և համագործակցության ուժեղացում՝ սահմանամերձ շրջաններում իրավիճակը կայունացնելու նպատակով: Պաշտպանության նախարար գեներալ-մայոր Միշել Մենասան և նրա սիրիացի գործընկեր Մուրհաֆ Աբու Կասրան համաձայնության են եկել լիբանանյան բանակի հետախուզական վարչության և սիրիական հետախուզության համակարգման շուրջ»,-ասված է Լիբանանի ՊՆ հաղորդագրության մեջ:
Նախարարներն ընդգծել են համատեղ ջանքերի անհրաժեշտությունը «սահմանին իրավիճակի վատթարացումից խուսափելու և խաղաղ բնակչության անմեղ զոհերից խուսափելու համար»։
Ավելի վաղ Լիբանանի առողջապահության նախարարությունը հայտնել էր, որ Լիբանանի հյուսիսարևելյան շրջանների գնդակոծումը խաղաղ բնակչության շրջանում հանգեցրել է զոհերի։ 24 ժամվա ընթացքում սահմանամերձ գյուղերում մահացել է առնվազն 7 մարդ, վիրավորվել՝ 52-ը։
Հետևեք մեզ տելեգրամում
