Քըլըչը և Ուոլցը քննարկել են նաև տարածաշրջանային ու գլոբալ բնույթի հարցեր

Վաշինգտոնում կայացել է հանդիպում Թուրքիայի նախագահի արտաքին քաղաքականության և անվտանգության հարցերով գլխավոր խորհրդական Աքիֆ Չաղաթայ Քըլըչի և ԱՄՆ նախագահի ազգային անվտանգության հարցերով խորհրդական Մայք Ուոլցի միջև։

Թուրքական «‎Hürriyet» լրատվամիջոցը, հղում անելով աղբյուրներին, նշել է, որ հանդիպմանը բացի թուրք-ամերիկյան հարաբերություններից, քննարկվել են նաև տարածաշրջանային ու գլոբալ բնույթի հարցեր։

Աղբյուրների հաղորդմամբ՝ հանդիպման մեկ այլ կարևոր հարցերից են եղել Թուրքիայի նախագահ Ռեջեփ Թայիփ Էրդողանի և ԱՄՆ նախագահ Դոնալդ Թրամփի հանդիպումից առաջ անցկացվելիք խորհրդակցությունները։